Erster Todestag von Lemmy Kilmister

Heit vor an Joahr is fia mi a Wöd zaumbrochn, ois i vom Tod meines größten Idols und der personifizierten Version des Rock'n'Roll erfoahrn hob. Es gibt nur wenige Menschen de so vü Einfluss auf mei Leben ghobt hom wie er. Wahnsinn.

I kau mi no erinnern, dass i letztes Joahr zu seinem Geburtstog (24.12.) gschriem hob, dass i mi frage, wos er mocht nochdem er den ersten Atomkriag üwalebt hot. Najo, is wui nix draus woan.

Es woa mir eine unbeschreibliche Ehre, dass i üwa mehr ois 3 Jahrzehnte Motörhead auf deren Konzerten besucht hob, hauptsächlich im Deutschsprachigen Raum. Vo 1979 bis 2015 hob i so guat wie kan Motörhead Gig in da Nähe auslossn, sogoa in Ungarn Aufaung der 80er Joahre woan ma dabei, trotz Eisernen Vorhangs. Unvergesslich ois ma beim Hinrennen zur Bühne auf amoi vor lauter sehr schwer bewaffnete Soldaten gstaunden san und glaubt hom, dass ma jetza zu Schweizer Käse gmocht wean, weu Motörhead und speziell da Lemmy bekannte non giver of fucks woan und dementsprechend auf Politik aller Art gschissn und des lautstark bekanntgem hom.

Owa de Soldaten hom die Motörhead Family ned kennt. Wir san ned stehbliem, wir san afoch weidagrennt und tausende Menschen hom de Soldaten afoch umgworfen und überrannt. Ka anziger Schuss is aun diesem Abend gefallen!

Mi wunderts bis heite, dass dieses Ereignis eigantlich ned wirklich in die Rockgeschichte oder sunst iagandwo in den Medien aller Art verewigt woan is.

Da Lemmy woa da wohl bodenständigste Star den es gem hot. Noch an Konzert in München homma auf a Taxi gwoat und auf amoi is da Lemmy mit aundaren Fans gaunz normal beim Taxistaund gwen und hot auf an fahrbaren Untersatz gwoat. Er wuitat a ned vorglossn wean und hot mehrmals erwähnt, dass er ana vo uns und genau gleich is. Mit eam host gaunz gewöhnliche Unterhaltungen führen können, er hot üwahaupt kane Rockstar Allüren gezeigt. Des hob i immer sehr bewundernswert gfundn.

I finds sehr lässig, dass i mehrmals die Gelegenheit ghobt hob mitn Lemmy zu saufen. Gaunz am Anfang meiner Motörhead Zeit homma eam wieder moi in München noch an Konzert in an Pub troffn. I woa domois sehr jung und hob do grod mit Drogen herumexperimentiert, dementsprechend drauf woa i wie i eam do troffn hob. "Higher than the fucking moon" hot a domois gsogd. Sehr treffend. An dem Abend hob i ned nur mit eam gsoffn, sundern sogoa unsere gemeinsame Lieblingsdroge, Speed, konsumiert.

Owa de Zeitn san laung vorbei, i nimm seit Jahrzehnten kane Drogen mehr und mecht eich des ollen a nomoi song, dass die Finger vo dem Scheiß lossn suitats. Ihr kennts eich einreden wos wuits, dass gsund is, den Geist befreit, a freies Leben ermöglicht und wos was i wos fia an aundaren psycho Scheißdreck - es is ois a Bledsinn, es is und bleibt a Droge de eicha Hirn wach mocht und logischerweise die Lust darauf steigert, desweng glaubt ma den ganzen Scheiß vo "freier Seele" und sonstigen Bledsinn. Die Nebenwirkungen blenden ma natialich aus und die miteingehenden Geldprobleme san a wurscht, ma is jo jung und do gheat des dazua, gö? Es Trottln! I hoff, dass ihr niemois wie i eichan besten Freind mausetot wegen ana Überdosis vorfindets und eam zu Grabe tragen miasts! Oiso weg vo dem Zeig!

Alkohol hob i trotzdem weidahin konsumiert und a heite sauf i hin und wieder moi ans oder zwanzg. A in den letzten Jahren hob i hin und wieder moi mei Idol getroffen, amoi sogoa in da Rainbow Bar in Los Angeles. Blöderweise is kana so trinkfest wie da Lemmy, a ned i, und desweng bin i schlussendlich im Kraunknhaus vo LA munter woan - i glaub, dass ma da Lemmy Erste Hilfe gleistet und lachend sei Tschick auf mi geäschert hot, nochdem i vom Sessel kippt und die Schaunk augspiem hob.

Leck Oarsch, Amerikanische Krankenhäuser san teia.... :)

Worte kennan des ois ned beschreiben wos der Name "Lemmy" bei mir auslöst.

Rest in Piece Motherf*cker!

Gfrei mi scho aufs Wiedersehen in Walhalla. Wir scheißn aufn Met und saufn Whisky! I schau, dass i iagandwie Jägermeister mitnimm, des Elixier hom wir nämlich zu Lebzeiten nie gemeinsam trinken kennan. Eppa hot di desweng da Krebs dawischt, dir hom afoch die Kräutln gföht :P

3
Ich mag doch keine Fische vergeben
Meine Bewertung zurückziehen
Du hast None Fische vergeben
6 von 6 Fischen

bewertete diesen Eintrag

Silvia Jelincic

Silvia Jelincic bewertete diesen Eintrag 28.12.2016 17:49:15

Markus Andel

Markus Andel bewertete diesen Eintrag 28.12.2016 16:51:35

MartinMartin

MartinMartin bewertete diesen Eintrag 28.12.2016 11:38:13

1 Kommentare

Mehr von Da Fraunz