#wtf?
Heite hob i in den Medien mehrfach an Bericht glesen, der mi sehr aufgregt hot. Demzufolge sollen Flüchtlingen die Öffis GRATIS zur Verfügung gestellt werden. GRATIS!
Wer mi kennt, der was, dass i a sehr offenherziger Mensch und auch dafür bin, dass den Flüchtlingen ghuifn wird. Vor ollem jetzt in da kälteren Zeit – obwuih i heite mit kurzen Ärmeln am Gerüst ghacklt hob. Die nächste Kältewelle kummt sicher wieder.
Trotz allem: Man kann auch übertreiben! Und des is mir heite eindeutig bewiesen woan!
Zuerst hob i des Gsatzl mit „Flüchtlinge diafn gratis mit die Öffis foahrn!“ fia a Pseudo-Märchen vo suichen idiotischen Seiten wie „unzensuriert.at“, Kopp-Verlag oder ähnlichem ghoitn. Bis i heite de gaunzn Berichte und sogoar Aussagen vom Wiener Big Boss, Mr. Spritzwein Häupl, glesen hob. Normalerweise mog i jo den Typ, er hot an leiwaunden Schmäh und ma kau mit eam lässig an hem. Politisch interessiert er mi jedoch genauso vü wie olle aundaren Politiker aller Parteien und mei letzter Schiss im Dixi Klo auf da Baustö. Oiso so guat wie goarned, maximal a kurzer Blick aufs Werk um zu wissen ob ois hoibwechs in Ordnung oda irgendwos hinig is…..wurscht, gemma ned zu sehr ins fäkale Detail.
Wenn Schüler und Studenten fia die Öffis zoihn miasn, daun suin des die Flüchtlinge emfois tuan!
Bei aller Toleranz de i ois (wenn mas grob bezeichnet) ehemaliges Flüchtlingskind hob - des is eindeitig zu vü! Die Wiener und die Pendler hackln si eanan Oarsch ob, damit sa si die Öffis leisten kennan und die Schüler und Studenten san finanziell desweng no mehr im Eisn. Und den Flüchtlingen wird afoch so die Freifahrt gewährt?
Sads ma ned hab, owa des is eindeutig zu viel des Guten!
Wenn des so is, daun suins die Schüler und Studenten a gratis griang. Und die Angestellten und Arbeiter sowieso, weu ohne unsre Steuern darads die Öffis eh ned gem.
Des is wirklich a Frechheit!
Schließ ma des gaunze mit an zynischen Kommentar bzw. mit Schwarzen Humor: Die Flüchtlinge san durch halb Europa ghatscht, oiso kennans a ohne Probleme zu Fuaß durch Wien pendeln. Badumtssss
Na, ohne Spaß, i verzicht söwa oft auf die Öffis und geh zu Fuaß durch die Innenstodt. Wir lem in ana der schönsten Städte der Welt, wos is oiso am zu Fuß geh so verwerflich?
Wer anderer Meinung is, der sui des bitte a sehr guat begründen. Weu in meine Augen is des a Faustschlag mit anschließendem Deuten des Mittelfingers ins Gsicht aller arbeitenden Menschen in Österreich! Und die Jugend bringt ma durch suiche Aktionen ned grod auf die Sympathie Seite der Flüchtlingspolitik.
Just sayin‘
