Di Steiamoark wöhlt in poar Tog
und gonz egal wen i grod frog
ka Aussog hob i zommenbrocht
wo a wer es Kreizl mocht
von da SPÖ da Voves Franzl
der betat oba seine Gstanzl
da Schützi von da ÖVP
der wüll nur zweita wern,
is ka Schmäh
mit dem san beide recht guat gfoahn
zumindast in den letztn Joahrn
da Freiheitliche Kunasek
sicht den Islam an jedn Eck
die Neon pinkn Liberalen
vasprechn Freiraum nach den Wahlen
die Grünan woin
gean Fraunrechte,
wo amoi a Monn
den Fraun wos brächte
die Kummaln san fias billig wohnan
und denkn dabei an Kommunan
de Piratn tatn so gern entan
die meistn glaubn oba dass sie kentan
a da Stronach träumt vom Landtog
doch der is eha scho a Landplog
so schauts aus im Steiraland
jetz nimman Bleistift in die Hand
und moch wos du fia richtig holtst
konn sein
doss donn am Sunntag schnoizt?
des san di Ausgongspositionan
olle wern hoffn sie hom gwonnan
beim Intawiu brich i donn nieda
wäu olle sans auf amoi Siega
a wenn i des find mea ois oag
is net nua in da Steiamoark
sondan überoi wiad da bewusst
sehngn die ois
nua kan Valust
ans kummt hoit imma noch di Woihn
da blede Wöhla konn nua zoihn
so oiso woi ma olle hoffn
dass die Steira richtig mochn
wäu ans is scho seit Joahrn gleich
so wia sie
wöhlt Östarreich
