Vater und Tochter hatten Streit - heftiger als üblich. Die Tochter - 14 Jahre alt - versuchte sich mit einer Lüge mehr 'Freiheit' zu verschaffen, der Vater durchschaute die falschen Angaben schnell. Das passierte nicht zum ersten Mal. Das Vertrauen war stark angeschlagen. Es herrschte Funkstille. Tagelang. Wochenlang.

Schließlich schrieb der Vater einen Text an das Mädchen. Er versucht sich zu erklären. Verständnis wecken. Seine Position darzulegen...

wann hat des eigentlich ang'fangen, dass du dir nimmer traust, mir die wahrheit zu sagen?... warum is des passiert?... is des mei schuid?..

aber vielleicht is 'schuid' da das falsche wort... es is eine entwicklung oder sowas... und i hab des gfühl da was verpasst zu haben... oder ich erwart mir einfach zviel? schränken ich dich zu viel ein? i bin sicher auch grundsätzlich zu vorsichtig/ängstlich/negativ... früher hab i an herzstillstand kriegt wenn dein bruder zu nah an die klippen gegangen is, heut weiß i er traut si afoch mehr als i und meistert des auch, i fürcht mi nimmer... du bist für mi hald no des kleine küken und da fürcht i mi glei amoi... wenn du dann a glei sieben schritte auf amoi machst und i hintnoch drauf kumm, dassd ma vaschwiegen hast, dasst eigentlich 25 schritte vorghabt hättsd, fliegt bei mir die sicherung... aber ned, weil i dir was böses will, sondern erstens weil i afoch angst hab um di und zweitens weil i (als ego der i hoid bin) angfressn bin dass dir wurscht is dass i mi fiachd um di...

wo i sicher a an zacken ab hab, des war scho immer so, is grundsätzlich wenns um vertrauen geht und um ehrlich sein. i hoff dass i des ned nur von anderen verlang, sondern a selbst leb! hab eher scho des gfühl. klar bin i a ned immer zu allen ehrlich, kommt scho vor dass i z'feig bin oder den anderen ned verletzen mag, aber i denk dass i zumindest ned unehrlichkeit dazu verwend um mir an vorteil auf kosten des anderen herauszholn. hm. muss amal darüber nachdenken ob des wirklich immer stimmt. i hoffad scho... was i absolut ned leiden kann is wenn i des gfühl hab wer is foisch zu mir, aus welchen gründen auch immer. besonders schlimm isses für mi dann, wenn'a des dann ned amal erklären kann oder will. da bin i dann scho a amal extrem unversöhnlich.

des eine is dann dass i mi einfach total ungerecht behandelt fühl und dass i mi a ausgschlossen fühl, der andere will mi ned im 'kreis der wissenden'. i bins ned wert dass ma mir die wahrheit sagt. des kränkt mi. dann - und da tu i mir schwer des zu vermeiden, a wenns falsch sein mag - dann mach i zu. red nix mehr. geh. grübel herum warum ma mit mir so umgeht. ob i mir was falsches eingebildet hab. meine freundschaft/beziehung/ zu der person in wirklichkeit eh nie des war, was i geglaubt hätt. oder i vielleicht an fehler gmacht hab, wodurch i des misstrauen verdient hab. nach dem ich dann sowieso mein, dass ich niemandem vertraun kann, fühl i mi ziemlich einsam. will am liebsten weg. in irgend a loch. mich verkriechen. schaun obs wem auffallt dass i weg bin. hm...

du waßt i bin total gern bei dir, nur hab i ned immer des gfühl (oder fast nie?) dass du des willst. i hab des an dem sonntag vor zwa wochen total genossen amal wieder länger als 5 min bei dir im zimmer sein z'dürfen, a wenn i des gfühl ghabt hab, es is da eigentlich z'fü und du willst gar ned ehrlich - oder sagma lieber 'substanziell' reden. mehr als des übliche quaqua.

i mag di echt voi gern, du bist a wichtiger teil vo mein leben und - selbst wenn i wollt - i bring di da au nimmer weg, so wie mit ana ex, die woa a amal total wichtig, oba do geht des, die wird dann hald 'ersetzt', hat selba an andan, so a beziehung is austauschbar. a wenns no so hoat klingt. aber so wie mei mutter immer mei mutter bleiben wird und mei dad mei dad bist du hald für mi was ganz bsondas, hoid mei tochter, des is afoch so... i kenn di so lang und vo dir so vü, des ois geht nimma weg, des bleibt. i find (oda hoff) scho, dass wir a bsondere beziehung, a bdonderes verhältnis zueinander (ghabt?) ham. des is zwoa natürlich total schön, kann oba a ziemlich angst mochn weil i natürlich weiß, dass des ned so bleibt, ned so bleiben kann. kinder entwickln si weida und eltern weadn oid. basta.

so. und do kummt jetzt dann wieder da ego-faktor. i seh natürlich dass in deim leben andere leut zunehmend wichtig werdn, und daran is jo a goanix falsches, des is jo eh guad und recht so und eh kloa und niemalsned irgend a fehler! trotzdem tuad's dem ego weh, wenns merkt, dass's auf amoi von ana top-10-platzierung obe geht zu platz 30 und ma dann schwupps irgendwann komplett aus da wertung foid. chance für a come-back gibts naturgemäß sowieso ned. wenn dann nu unehrlichkeit dazua kommt hab i (sorry, es is afoch so) schnell des gfühl so quasi i bin sowieso übaflüssig, mi braucht do eh kana mehr, wennst vastehst wos i man... und ganz schnell bin i wieda im obigen kreislauf. lochsuchend. voll selbstmitleid. foisch natürlich und bled, dumm. oba des sein hoid so die mechanismen, die des lebn 4 an bereithoit...i hoff nur des is ned ois to much. keine ahnung. zu viel seelenstriptease?

i gfrei mi imma sehr, wenns'd ma wos fazösd, mir wos 'preisgibst', mir damit die möglichkeit gibst zu vastehn wie du ticksd, was di beschäftigt, was di antreibt, was da angst macht und wos di hiziagt, wovoasd davorenst und wosd hi mechst, wos di ärgert und wos di gfreut, wos di juckt und zwickt. geh davon aus: i mecht imma mehr wissn als du mir sogn mogst! klingt bedrohlich, gell? scheiße, he?kloa, i hab gsagt «taten zählen mehr als worte» und dabei bleib i a. ausdruck dessen was ma is, is wie ma si vahoit. aba verhalten kann ma missverstehn. taten und körpersprache sind ned eindeutig. da führt eins zum andern und ma macht si ganz schnell a ganz falsches bild vo wem. davor bin a i ned gefeit. mei hirn was des, mei ego oba ned und manchmoi is des stärker und dann fangt die kacke wieder zum dampfn an.da hüft hoid nua wenn ana erklärt wos do obgeht. warum der/die si so oda so vahoit. wos do dahinta steckt. und am besten is natürlich wenn der söba des erklärt, waruma so und so tuad.i will di ned missverstehn...des kannst letztendlich oba a nur du verhindern...

kennma ned wieder mehr red'n mitanand?...